Европа клуби ўзбекистонлик футболчини ўз сафига қўшиб олишдан манфаатдор
Туркия Суперлигаси вакили "Галатасарой" клуби ТССКАнинг ҳужумкор ярим ҳимоячиси Аббос Файзуллаевга қизиқиш билдирмоқда. 21 ёшли ўйинчи Москва клуби ва Ўзбекистон миллий терма жамоасининг муҳим футболчиларидан бири ҳисобланади. Декабр ойида у 2024-йилнинг Осиёдаги энг яхши футболчиси деб эътироф этилди. Ўзбекистонлик футболчининг "ТССКА" билан шартномаси 2026-йилнинг ўртасигача амал қилади.
Яримҳимоячи жорий мавсумда Россия Пример-лигасида 19 та ўйинда иштирок этиб, 2 та гол урди ва 3 та гол узатмасини амалга оширди. Transfermarkt портали Файзуллаевнинг трансфер қийматини 8 миллион евро деб баҳоламоқда.
Туркиянинг "Галатасарой" клуби УЕФА Кубоги ва Суперкубоги совриндори ҳисобланади. Ҳозирги кунда у чемпионат турнир жадвалида пешқадамлик қилмоқда.