Эрон ЖЧ-2026 қуръасини бойкот қилди

Эрон Футбол Федерацияси раҳбарияти 5 декабрь куни Вашингтонда бўлиб ўтадиган 2026 йилги жаҳон чемпионати қуръасида иштирок этмасликка қарор қилди.

Бунга АҚШ томонидан делегация аъзоларининг бир нечтасига виза берилмагани сабаб бўлди. Бу ҳақда Al Arabiya нашри хабар бермоқда.

«Биз ФИФАга қабул қилинган қарорларнинг спортга алоқаси йўқлигини маълум қилдик ва Эрон делегацияси қуръада қатнашмайди», — деди федерация вакили.

Манбаларга кўра, делегация таркибидан атиги тўрт кишига — жумладан, Эрон бош мураббийи Амир Галеноийга виза берилган. Эслатиб ўтамиз, 2026 йилги жаҳон чемпионати АҚШ, Канада ва Мексика майдонларида ўтказилади.

Насрулло Каримов

Журналист