Эрлинг Холанд ва Норвегия шахмати: шахмат учун 10 миллион долларлик қадам
Норвегия терма жамоасининг юлдуз ҳужумчиси Эрлинг Холанд фақат футбол майдонида эмас, шахмат оламида ҳам катта ўзгаришларга сабаб бўлди. Унинг Chess Mates компанияси орқали Norway Chess’га киритган стратегик сармояси ортидан компания янги Total Chess лойиҳаси учун 10 миллион долларлик инвестиция жалб қила олди.
Бу инвестиция орқали Norway Chess ва янги Total Chess World Championship Tour — тезлаштирилган классик, рапид ва блицни бирлаштирган йирик халқаро тур старт олади. FIDE томонидан камида 16 йилга тасдиқланган ушбу лойиҳанинг дастлабки босқичи шу йил кузда бошланади, тўлиқ чемпионат эса 2027-йилдан йўлга қўйилади. Турнир йилига 4 та йирик босқичдан иборат бўлиб, умумий мукофот жамғармаси 2.7 миллион доллардан кам бўлмаслиги режалаштирилган.
Яна бир қувонарли жиҳат: ушбу янги турда Ўзбекистон шахматининг ёрқин вакиллари ҳам иштирок этади. Гроссмейстер Нодирбек Абдусатторов Блиц бўйича жаҳон чемпионатидаги кумуш медали эвазига турнир йўлланмасини нақд қилган бўлса, яна бир ҳамюртимиз Жавоҳир Синдоров ҳам Номзодлар турнири ғолиби сифатида ушбу кўп миллионлик лигада дона суради.
