Эрлинг Холанд Норвегия терма жамоасининг ЖЧ-2026 гуруҳидаги имкониятлари ҳақида фикр билдирди
Норвегия терма жамоаси ҳужумчиси Эрлинг Холанд жамоасининг Жаҳон чемпионати гуруҳ босқичини биринчи ўринда якунлаш имкониятларини баҳолади.
«Гуруҳда биринчи бўлиш? Келинг, реалист бўламиз, Франция, эҳтимол, бутун турнирда ғалаба қозониши мумкин... Францияга қарши ўйин жуда қийин кечади, улар Сенегал билан баҳсда ажойиб таассурот қолдиришди. Биз дастлаб Сенегалга қарши учрашувга бор эътиборимизни қаратамиз, ундан ёғини эса вақт кўрсатади», — дейди Холанднинг сўзларини келтирмоқда Actu Foot.
Маълумот учун, Норвегия миллий терма жамоаси «I» гуруҳида Франция, Сенегал ва Ироқ жамоалари билан биргаликда жой олган. Гуруҳнинг дастлабки турида норвегияликлар Ироқ терма жамоасини 4:1 ҳисобида мағлуб этган бўлса, Франция термаси Сенегал устидан ишончли ғалабага (3:1) эришган эди.
Футбол бўйича 2026 йилги Жаҳон чемпионати баҳслари жорий йилнинг 11-июнидан 19-июлига қадар АҚШ, Канада ва Мексика майдонларида бўлиб ўтмоқда.
