Эрлинг Холанд Гeрд Мюллернинг 1970-йилдаги тарихий натижасини такрорлади
Норвегия миллий терма жамоаси ҳужумчиси Эрлинг Холанд ўзи учун дебют ҳисобланган мундиалдаги дастлабки тўртта учрашувда 7 та гол урган тарихдаги навбатдаги футболчига айланди. Охирги марта 1970-йилги Жаҳон чемпионатида Германиялик афсонавий форвард Гeрд Мюллер дастлабки тўртта ўйинида 8 та гол уришга муваффақ бўлган эди. Бу ҳақда OptaJose таҳлилий саҳифаси X ижтимоий тармоғида хабар бермоқда.
Эслатиб ўтамиз, ЖЧ-2026 нимчорак финалида Норвегия терма жамоаси Бразилияни 2:1 ҳисобига мағлуб этди. Скандинавияликлар сафида Эрлинг Холанд дубль қайд этган бўлса, бразилияликларнинг ягона жавоб голини пеналтидан Неймар киритди.
Мундиалнинг чорак финал босқичида Норвегия терма жамоаси Мексика – Англия жуфтлиги ғолиби билан ярим финал йўлланмаси учун кураш олиб боради.
Маълумот ўрнида, мусобақанинг 1/16 финалида Бразилия терма жамоаси Япония тўсиғидан ўтган эди (2:1), Норвегия эса Кот-д'Ивуар устидан ғалаба қозонганди (2:1).
