Erling Holand Gerd Myullerning 1970-yildagi tarixiy natijasini takrorladi
Norvegiya milliy terma jamoasi hujumchisi Erling Holand o‘zi uchun debyut hisoblangan mundialdagi dastlabki to‘rtta uchrashuvda 7 ta gol urgan tarixdagi navbatdagi futbolchiga aylandi. Oxirgi marta 1970-yilgi Jahon chempionatida germaniyalik afsonaviy forvard Gerd Myuller dastlabki to‘rtta o‘yinida 8 ta gol urishga muvaffaq bo‘lgan edi. Bu haqda OptaJose tahliliy sahifasi X ijtimoiy tarmog‘ida xabar bermoqda.
Eslatib o‘tamiz, JCh-2026 nimchorak finalida Norvegiya terma jamoasi Braziliyani 2:1 hisobida mag‘lub etdi. Skandinaviyaliklar safida Erling Xoland dubl qayd etgan bo‘lsa, braziliyaliklarning yagona javob golini penaltidan Neymar kiritdi.
Mundialning chorak final bosqichida Norvegiya terma jamoasi Meksika – Angliya juftligi g‘olibi bilan yarim final yo‘llanmasi uchun kurash olib boradi.
Ma’lumot o‘rnida, musobaqaning 1/16 finalida Braziliya terma jamoasi Yaponiya to‘sig‘idan o‘tgan edi (2:1), Norvegiya esa Kot-d`Ivuar ustidan g‘alaba qozongandi (2:1).
