Эриксен фаолиятини Германияда давом эттиради
У янги клуби билан келишиб олди.
ФОТО: Getty images
“Манчестер Юнайтед”нинг собиқ яримҳимоячиси Кристиан Эриксен фаолиятини Германияда давом эттиради.
Инсайдер Фабрицио Романо даниялик футболчи "Вольфсбург" аъзосига айланишини тасдиқлади.
"Келишув амалга ошди, Эриксен тиббий кўрикдан ўтмоқда. Даниялик футболчининг фаолиятида янги саҳифа", - деб ёзади Романо.
Эслатиб ўтамиз, ўтган мавсум охирида даниялик футболчи "Манчестер Юнайтед"ни тарк этганди. Эриксен ҳозир 33 ёшда. У фаолиятининг уч йилини "манкунианликлар" сафида ўтказган, аввалроқ “Аякс”, “Тоттенхэм”, “Интер” ва “Брентфорд” клубларида ўйнаган.
Розикжон Султонмуродов
Журналист