Эрик Ламела 33 ёшида фаолиятини якунлади
Фото: Getty Images
Аргентина терма жамоаси собиқ яримҳимоячиси Эрик Ламела 33 ёшида фаолиятини якунлаганини эълон қилди.
Футболчининг сўнгги клуби Афинанинг АЕК жамоаси бўлди. У ўтган мавсумда 31 ўйинда 6 та гол урди ва 3 та голга ассистентлик қилди.
Энди Ламела “Севилья” бош мураббийи Матиас Алмейданинг штабидан ўрин олади. Унга Андалусия клуби бегона эмас — 2021 йилдан 2024 йилгача шу жамоада ўйнаб, Европа Лигасини ютган. Вингер фаолияти давомида "Ривер Плейт", "Рома" ва "Тоттенхэм"да ҳам тўп тепган.
Эрик Аргентина миллий жамоасида 25 та ўйин ўтказиб, 3 та гол урган. У 2021 йили ФИФА томонидан энг чиройли голга бериладиган Ференц Пушкаш совринини қўлга киритган
Баҳром Бобонов
Редактор