Эрик Гарсия «Барселона» сафида Чемпионлар Лигасида энг кўп қизил карточка олган футболчига айланди
Каталонияликлар икки ўйин натижасига кўра «Атлетико»га мағлуб бўлиб, турнирни тарк этди.
ФОТО: Getty Images
«Барселона» ҳимоячиси Эрик Гарсия Чемпионлар Лигаси чорак финали доирасида Мадриднинг «Атлетико» клубига қарши жавоб учрашувида олган қизил карточкасидан сўнг, клуб сафида мазкур мусобақада энг кўп четлатилган футболчига айланди. Бу ҳақда MisterChip маълум қилди.
«Барселона» учрашувда 2:1 ҳисобида ғалаба қозонди, бироқ икки ўйин натижасига кўра (2:3) мусобақани тарк этди.
«Барселона» футболчиларининг Чемпионлар Лигасидаги четлатишлари:
- 3 — Эрик Гарсия;
- 2 — Роналд Араухо, Пау Кубарси, Жерар Пике.
Чемпионлар лигасининг жорий мавсумида 25 ёшли Эрик Гарсия 11 та ўйинда майдонга тушди. Футболчи самарали ҳаракатлари билан ажралиб турмади. Шунингдек, унинг ҳисобига Испания чемпионатидаги 29 та ўйин, битта урилган гол ва битта самарали узатма бор.
Насрулло Каримов
Журналист