Энцо Фернандеснинг «Челси»дан «Манчестер Сити»га ўтиши бўйича келишув бугун якунланди
Инсайдер Фабрицио Романонинг хабарига кўра, Энцо Фернандеснинг «Челси»дан «Манчестер Сити»га ўтиши бўйича келишув бугун якунланди.
Футболчининг ўзи ҳам «Челси»да бирга ишлаган адаши, яхши тил топишган Энцо Мареска билан яна бирга ишлашни хоҳлаган.
«Узоқ давом этган музокаралардан сўнг трансфер суммаси 125 миллион фунт стерлингдан (146 миллион евро) ошиши бўйича келишувга эришилди, чунки «Челси» сотувни маъқуллади», - деб ёзади Романо.
«Энцо фақат «Манчестер Сити»га ўтмоқчи эди ва энди у янги клубда тиббий кўрикдан ўтишга тайёргарлик кўрмоқда», - қўшимча қилди инсайдер.
Таъкидлаш лозим, бу «Сити» тарихидан энг қиммат трансфер сифатида ўрин эгаллайди. Ўз навбатида, умумий АПЛ тарихида эса Александар Исакнинг трансферидан кейинги иккинчи энг қиммат келишув бўлди.
Энцо Фернандес 2023 йилнинг январида Аргентина миллий жамоаси сафида жаҳон чемпионатидаги муваффақиятли ўйинидан сўнг «Челси»га кўчиб ўтган эди. Унинг Лондон клуби билан шартномаси 2032 йилнинг ёзига қадар мўлжалланган эди.
