Энцо Фернандес «Челси» мухлислари билан хайрлашди – Жейкобс
“Челси” ярим ҳимоячиси Энцо Фернандес АПЛнинг сўнгги турида “Сандерленд”га 1:2 ҳисобида мағлуб бўлганидан сўнг лондонлик мухлислар томон ишора қилди. Бу ҳаракат кўпчилик томонидан унинг эҳтимолий хайрлашуви сифатида қабул қилинди.
Журналист Бен Жейкобснинг X тармоғида хабар беришича, аргентиналик хавбек испания гранди — “Реал”дан аниқ таклиф тушса, ўтиш вариантини кўриб чиқишга очиқ.
Шунингдек, манбага кўра, “Манчестер Сити” вакиллари ҳам футболчининг эҳтимолий трансфери бўйича дастлабки ва норасмий алоқалар ўрнатишган.
Хабар қилинишича, Фернандес Европа Чемпионлар лигаасида иштирок этишни истайди, “Челси”нинг омадсиз мавсуми эса клуб учун уни янги шартнома имзолашга кўндиришни қийинлаштирмоқда.
Шу билан бирга, лондонликлар хавбекни ёзда ўзлари учун молиявий жиҳатдан ноқулай шартларда сотиш ниятида эмас.
