Enso Fernandes «Chelsi» muxlislari bilan xayrlashdi – Jeykobs
“Chelsi” yarim himoyachisi Enso Fernandes APLning so‘nggi turida “Sanderlend”ga 1:2 hisobida mag‘lub bo‘lgach, londonlik muxlislar tomon ishora qildi. Bu harakat ko‘pchilik tomonidan uning ehtimoliy xayrlashuvi sifatida qabul qilindi.
Jurnalist Ben Jeykobsning X tarmog‘ida xabar berishicha, argentinalik havbek Ispaniya grandi — “Real”dan aniq taklif tushsa, o‘tish variantini ko‘rib chiqishga ochiq.
Shuningdek, manbaga ko‘ra, “Manchester Siti” vakillari ham futbolchining ehtimoliy transferi bo‘yicha dastlabki va norasmiy aloqalar o‘rnatishgan.
Xabar qilinishicha, Fernandes Yevropa Chempionlar ligasida ishtirok etishni istaydi, “Chelsi”ning omadli bo‘lmagan mavsumi esa klub uchun uni yangi shartnoma imzolashga ko‘ndirishni qiyinlashtirmoqda.
Shu bilan birga, londonliklar havbekni yozda o‘zlari uchun moliyaviy jihatdan noqulay shartlarda sotish niyatida emas.
