Энсо Фернандеснинг трансфер нархи маълум бўлди
Лондоннинг «Челси» клуби жамоа яримҳимоячиси Энсо Фернандеснинг трансфер қийматини 120 млн фунт стерлинг (139,2 млн евро) этиб белгилади. Бу ҳақда таниқли журналист Бен Жейкобс хабар бермоқда.
Инсайдер берган маълумотларга кўра, Лондон клуби раҳбарияти аргентиналик футболчини таркибда сақлаб қолишга умид қилмоқда. Ҳозирча томонлар ўртасида ҳеч қандай расмий музокаралар олиб борилмаяпти, бироқ яримҳимоячининг ўзи фаолиятини Мадриднинг «Реал» клубида давом эттириш истагини билдирган.
Якунланган 2025/2026 йилги мавсумда Энсо Фернандес «Челси» сафида барча турнирлар доирасида 54 та учрашувда майдонга тушиб, ўз ҳисобига 15 та гол ва 7 та голли узатмани расмийлаштириб қўйди. Аргентиналик футболчининг клуб билан амалдаги меҳнат шартномаси 2032 йилнинг ёзига қадар мўлжалланган. Нуфузли Transfermarkt портали маълумотларига кўра, Фернандеснинг айни дамдаги трансфер баҳоси 90 млн еврога тенг.
