Энсо Фернандес Месси билан хайрлашди: “Кейинги йиғинни сенсиз тасаввур қилиш қийин”
Аргентина терма жамоаси ярим ҳимоячиси Энсо Фернандес Лионель Мессининг миллий жамоадаги фаолиятини якунлагани ҳақидаги қарорига муносабат билдирди. “Челси” футболчиси ижтимоий тармоқдаги саҳифаси орқали жамоадоши билан хайрлашди.
Фернандес Мессининг кетиши уни жуда қайғуга солганини таъкидлади. Унинг айтишича, болалигида Аргентина терма жамоасининг асосий таркибига етиб бориш ва Месси билан бирга майдонга тушишни орзу қилган.
25 ёшли футболчи терма жамоанинг навбатдаги йиғинини Мессисиз тасаввур қилиш қийинлигини ҳам қайд этди. Фернандес энди жамоа майдонга чиққанда 10-рақамли футболкада Мессини кўрмаслик ғалати бўлишини билдирган.
Маълумот учун, Лионель Месси 31-август куни Аргентина терма жамоасидаги фаолиятини якунлаганини маълум қилди. У миллий жамоа билан 2022-йилги Жаҳон чемпионати ва икки марта Америка Кубогида ғолиб чиққан.
