Энсо Фернандес Хаби Алонсоға «Челси»да кетмоқчи эканлигини айтди — MD
«Челси» яримҳимоячиси Энсо Фернандес клуб раҳбарияти ва бош мураббий Хаби Алонсо ёзда жамоани тарк этиш истаги борлиги ҳақида огоҳлантирди. Бу ҳақда Mundo Deportivo нашри хабар бермоқда.
Манбанинг таъкидлашича, «кўклар» футболчига унинг эҳтимолий трансфери учун 120 миллион евро талаб қилишларини маълум қилган — бу аргентиналик футболчи 2023 йилнинг қишида сотиб олинган сумма ҳисобланади. Фернандеснинг агенти ушбу трансферни амалга ошириш мақсадида Мадриднинг «Реал» клуби билан алоқага чиққан.
Якунланаётган мавсумда яримҳимоячи барча турнирларда 54 та ўйинда майдонга тушиб, 15 та гол ва 7 та голли узатмани ўз ҳисобига ёздириб қўйди. Футболчининг клуб билан амалдаги меҳнат шартномаси 2032 йилнинг ёзигача мўлжалланган. Transfermarkt портали берган маълумотларга кўра, футболчининг айни пайтдаги бозор қиймати 90 миллион еврога тенг.
