Энрике «Барселона»га қайтиши мумкин
У 2014–2017-йиллар оралиғида “Барселона”ни бошқарган.
ФОТО: Getty images
“ПСЖ” бош мураббийи Луис Энрике яқинда берган интервьюларининг бирида “Барселона”га қайтишни истаётганини бир неча бор таъкидлаган. Бу ҳақда Sport.es хабар берди.
Манбага кўра, 55 ёшли мутахассис Францияда ўзини қулай ҳис қилаётган бўлса-да, Испаниядаги ҳаётини соғинмоқда. Энрикенинг Париж клуби билан шартномаси 2027 йилнинг ёзигача амал қилади.
Эслатиб ўтамиз, Луис Энрике 2014–2017-йиллар оралиғида “Барселона”ни бошқарган. Унинг қўл остида Каталония клуби УЕФА Чемпионлар Лигаси, шунингдек, икки бор Ла Лига чемпионлигини қўлга киритган эди.
Розикжон Султонмуродов
Журналист