Эндрю Робертсон ЙЧЛда ўзига хос рекорд ўрнатди
Шотландиялик футболчи 2017 йилдан буён «Ливерпуль» сафида тўп сурмоқда.
ФОТО: Getty Images
«Ливерпуль»нинг чап қанот ҳимоячиси Эндрю Робертсон Чемпионлар лигасида 6-тур умумий босқичидаги «Интер»га қарши учрашувда (1:0) 63-учрашувини ўтказди.
Шу тариқа, Робертсон Чемпионлар лигаси мавжуд бўлган даврда энг кўп ўйин ўтказган шотландиялик футболчи сифатида рекорд ўрнатди. Бу ҳақда клуб матбуот хизмати хабар берди.
Робертсон 2017 йил ёзидан буён «Ливерпуль» сафида тўп суради. Шу давр мобайнида у барча мусобақаларда 358 та учрашувда майдонга тушиб, 12 та гол урган ва 68 та голли узатма амалга оширган.
Transfermarkt порталидан олинган маълумотларга кўра, футболчининг бозор қиймати 12 млн еврони ташкил қилади.
Насрулло Каримов
Журналист
