Эндрик: Модрич 40 ёшда бўлса-да, жуда кучли эди

Эндрик «қаймоқранглилар» таркибида унда энг катта таассурот қолдирган футболчи ҳақида тўхталиб ўтди:

«Бу 100 фоиз Лука Модрич. Биринчи йили у менга кўп нарсани ўргатди. Нафақат машғулотларда, балки ўйинларда ҳам — бу ҳақиқий футбол маҳорати дарси эди. У 40 ёшда бўлса-да, жуда кучли эди. Лука ҳар куни машқ қиларди. Ҳатто майдонга тушмаган кунлари ҳам клубга келиб, ўзи учун қўшимча машқларни бажарарди.

Унинг ўйин услуби ақл бовар қилмас даражада. У менга доим маслаҳатлар берарди, майдонда нима қилишим кераклигини айтган. Бу менга жуда катта ёрдам берди. У футболда мен учратган энг ажойиб инсонлардан бири», — деди 19 ёшли Эндрик.

Иброҳим Жалолов

Редактор