Энди чипталарни фирибгарлар сохталаштира олмайди
Ўзбекистон миллий терма жамоаси 10-июнь куни “Бунёдкор” стадионида Жаҳон чемпионати саралаш босқичи доирасида Қатар терма жамоасини қабул қилади. ЎФА ушбу ўйин олдидан чипталар масаласида баёнот берди:
"iTicket компанияси ва ЎФА ҳуқуқни муҳофаза қилувчи органлар билан ҳамкорликда, аввалги ўйинлар тажрибасидан келиб чиқиб, фирибгарлик ва чипталарнинг қалбакилаштиришнинг олдини олиш мақсадида фақат “Ҳумо Арена”, “Бунёдкор” ва “Пахтакор” стадионида офлайн савдо тартибини жорий этади. Мазкур чипталар махсус кодланган. Аввалги учрашувларда фирибгарлар электрон чипталарни сохталаштириб, кўплаб мухлисларнинг стадионга киролмаслигига сабабчи бўлишганди.
Чипталар савдоси бошланиш санаси юзасидан қўшимча маълумот тақдим этилади",- деб ёзилади хабарда
Эслатиб ўтамиз, Ўзбекистон — Қатар учрашуви 10-июнь куни соат 18:45да “Бунёдкор” стадионида бошланади.
