Ҳендeрсон жарроҳлик амалиётини бошдан кечиради ва ЖЧ-2026да бошқа майдонга тушмайди
Англия терма жамоаси ярим ҳимоячиси Жордан Ҳендeрсон 2026-йилги Жаҳон чемпионатининг қолган учрашувларини ўтказиб юборади.
36 ёшли футболчи Мексикага қарши 1/8 финал учрашувидан (3:2) кейинги тантаналар вақтида жиддий жароҳат олди. Ҳендeрсон мухлислар томон ўтиш учун реклама тўсиқларидан ошиб ўтаётганида йиқилиб, белидан оғир жароҳат олган. Унга майдоннинг ўзида тиббий ёрдам кўрсатилиб, кислород берилган ва шифохонага олиб кетилган.
Тиббий текширувлар натижасида футболчига жарроҳлик амалиёти зарурлиги маълум бўлди. Шу сабабли Ҳендeрсон Жаҳон чемпионатидаги иштирокини муддатидан аввал якунлайди ва Англия терма жамоасига қолган ўйинларда ёрдам бера олмайди.
Бош мураббий Томас Тухел футболчининг жароҳати жиддий эканини тасдиқлаб, бу жамоа учун катта йўқотиш бўлганини таъкидлади. Англия чорак финалда Норвегия терма жамоасига қарши майдонга тушади.