Эмилиано Мартинес «Челси»га ўтди
«Челси» клуби расмий сайти орқали дарвозабон Эмилиано Мартинес трансферини эълон қилди. Аргентиналик голкипер «Астон Вилла»дан Лондон клубига кўчиб ўтди ва янги жамоаси билан уч йиллик шартнома имзолади.
33 ёшли дарвозабон 2020 йил сентябридан буён «Астон Вилла» шарафини ҳимоя қилиб келаётган эди. Мартинес бирмингемликлар сафида барча мусобақалар доирасида 256 та учрашув ўтказиб, шуларнинг 80 тасида ўз дарвозаси дахлсизлигини сақлаб қолди.
ОАВ хабарларига кўра, «Челси» аргентиналик посбоннинг трансфери учун 8,7 млн евро тўлайди.
Мартинес 2022 йилда Аргентина терма жамоаси билан Жаҳон чемпиони бўлган. Шунингдек, 2025/26 йилги мавсумда «Астон Вилла» таркибида Европа Лигасида ғолиб чиқди.
Transfermarkt портали маълумотларига кўра, Мартинеснинг айни пайтдаги бозор қиймати 12 млн еврога баҳоланмоқда.
