Эмери «Астон Вилла»нинг чемпионлик учун кураши ҳақида: «Тинчланг»
«Астон Вилла» бош мураббийи Унаи Эмери АПЛнинг 23-тури доирасида «Ньюкасл» устидан қозонилган 2:0 ҳисобигаги ғалабадан сўнг бирмингемликларнинг чемпионлик учун имкониятлари борасидаги саволга жавоб берди.
Ҳозирда «Астон Вилла» турнир жадвалида «Манчестер Сити» билан биргаликда 2–3-ўринларни бўлишиб турибди ва пешқадам «Арсенал»дан тўрт очко ортда қолмоқда.
«Келаси ҳафта биз ўз майдонимизда «Брентфорд»га қарши ўйнаймиз. Ўтган ҳафтада мағлуб бўлганимизда эса ҳеч ким мендан чемпионлик имкониятлари ҳақида сўрамаган эди.
Хўп, тинчланг. Мени қизиқтираётган ягона мақсад — бу мувозанатни сақлаш. Бунга эришишнинг мен биладиган ягона йўли эса ҳар куни меҳнат қилишдир. Агар барқарор натижалар кўрсатсанг, балки янада яхшироқ ўйнашиң мумкин бўлади ва эҳтимол, 35-турга келиб бу мавзу бўйича бошқача гаплашамиз.
Албатта, биз «Арсенал», «Манчестер Сити», «Челси», «Ливерпуль», «Ньюкасл», «Тоттенхэм» билан рақобатдамиз… Вой, уларнинг кучи нақадар катта… Аммо биз курашни таклиф қиляпмиз, ортда қолмаяпмиз ва очколар тўплаяпмиз», — дейди Эмерининг сўзларини келтиради ESPN.
