Эмболога Англия, Италия ва MLS клублари қизиқмоқда
«Ренн» Эмболони тахминан 15 миллион евро эвазига сотишга тайёр.
ФОТО: Getty images
«Ренн» ва Швейцария терма жамоаси ҳужумчиси Брил Эмболо бир қатор клублар диққат марказига тушди. Бу ҳақда журналист Бен Жейкобс хабар берди.
Манбага кўра, АҚШнинг «Атланта Юнайтед» клуби Эмболога жиддий қизиқиш билдирмоқда. Шунингдек, Англиянинг «Ҳалл Сити» ва «Ипсвич Таун» клублари ҳамда Италия А сериясининг бир нечта жамоаси футболчининг трансфер имкониятини кўриб чиқмоқда.
Хабар қилинишича, «Ренн» Эмболони тахминан 15 миллион евро эвазига сотишга тайёр.
29 ёшли ҳужумчи 2025/26 йилги Лига 1 мавсумида 31 та учрашувда майдонга тушиб, 9 та гол ва 3 та голли узатма қайд этди.
Розикжон Султонмуродов
Журналист