Элит ОЧЛ: «Насаф» ўз майдонида имкониятни бой берди
Ушбу натижадан сўнг «Насаф» ўз ҳисобидаги 0 очко билан гуруҳда сўнгги ўринда қолмоқда.
Фото: Насаф ФК
Қаршининг «Насаф» клуби Элит Осиё чемпионлар лигасининг 5-турида «Трактор» жамоасига 0:1 ҳисобида мағлуб бўлди. «Марказий» стадионида бўлиб ўтган учрашувдаги ягона гол ўйин тақдирини ҳал қилди.
Учрашувнинг 17-дақиқасида меҳмонлар ярим ҳимоячиси Реги Лушкя ҳимоядаги хатоликдан фойдаланиб ҳисобни очди. Ўйин давомида мезбонлар мувозанатни тиклашга уринган бўлса-да, ҳисоб ўзгармади. Ушбу натижадан сўнг «Насаф» ўз ҳисобидаги 0 очко билан гуруҳда сўнгги ўринда қолмоқда ва мусобақанинг кейинги босқичига чиқиш имконияти кескин пасайди.
Элит ОЧЛ. 5-тур
Насаф – Трактор 0:1
Гол: Реги Лушкя 17
Розикжон Султонмуродов
Журналист