Элит ОЧЛ. «Ал Иттиҳод» мавсумдаги илк ғалабасини қўлга киритди, «Трактор» ҳам йирик ҳисобда зафар қучди
Элит Осиё Чемпионлар лигаси 3-туридан ўрин олган бир қатор учрашувлар бўлиб ўтди.
Жумладан, Одил Ҳамробеков тўп сурадиган «Трактор» клуби сафарда «Шаржа» меҳмони бўлиб, йирик 5:0 ҳисобида ғалаба қозонди.
Шунингдек, «Ал Иттиҳод» ҳам сафарда «Ал Шорта»ни 4:1 ҳисобида мағлуб этди. «Ал Ваҳда» эса ўз майдонида «Ал Духайл»дан 3:1 ҳисобида устун келди.
Ушбу натижадан сўнг «Трактор» ўз очколари ҳисобини 5 тага етказиб, онлайн турнир жадвалида 4-ўринга кўтарилиб олди. «Шаржа» эса 4 очко билан 6-ўриндан жой олди.
«Ал Иттиҳод» эса мавсумдаги илк ғалабасини қўлга киритиб, 3 очко эгасига айланди ва 7-ўринга жойлашди. «Ал Шорта» эса 1 очко билан 11-ўринда бормоқда.
«Ал Ваҳда»нинг ҳисобида эса 7 очко мавжуд ва клуб 2-ўринда бормоқда. «Ал Духайл» эса 1 очко билан 10-ўринни банд этган.
Элит ОЧЛ. 3-тур
«Шаржа» — «Трактор» 0:5
Голлар: Люшкия (8, 11), Ҳошиминажод (40), Исмоилифар (45+3), Козимайни (85).
«Ал Шорта» — «Ал Иттиҳод» 1:4
Голлар: Шокир (5) — Диаби (17), Фабинио (29), Ауар (60, 76).
«Ал Ваҳда» — «Ал Духайл» 3:1
Голлар: Харбин (35, пенальти), Диарра (45+2), Зухир (67) — Пёнтек (20).
