Элдор Шомуродов яқин дўсти билан самимий хайрлашди
Клаудио Ранери ўзининг охирги уй учрашувидан сўнг “Рома” мухлислари билан расман хайрлашди.
Элдор Шомуродов учун бу ўзи ишонган ва энг яхши мураббийлардан бири билан ажралиш бўлди. Унинг фаолиятида муҳим ўрин тутган устози энди жамоа бош мураббийи эмас.
37-тур доирасида “Олимпико”да “Милан”га қарши ўтказилган ўйин (3:1) Ранери учун римликлар бош мураббийи сифатидаги сўнгги учрашув бўлди. 73 ёшли мутахассис ушбу баҳсдан сўнг жамоани тарк этди.
“Рома” мухлислари мураббийни илиқ кутиб олишди — трибуналарда “Claudio Ranieri Roma” ва “Раньери – биздан биримиз, сиз бизнинг юрагимиз ва таянчимизсиз” каби баннерлар пайдо бўлди. Яна бир баннерда Раньери Франческо Тотти, Даниэле Де Росси ва Лоренцо Пеллегрини билан бағрида акс эттирилган эди.
Мураббий икки набираси билан майдонга чиқди, бу эса онглардан ўрин олган самимий манзарага айланди.
Ўйиндан сўнг Раньери мухлисларга мурожаат қилди:
“60 йилдан ортиқ вақт олдин мен ҳам шулар орасида эдим. Сизларга миннатдорчилик билдираман. Биз биргаликда яхши иш қилдик. Энди фақат сўнгги қадам қолди. Бу болалар билан фахрланаман — улар илк кундanoq менга эргашишди. Энг муҳими эса — сизнинг муҳаббатингиз бизга қандай кераклигини тушунишингиз. Чексиз раҳмат сизларга” .
