Элдор Шомуродов Туркия клубига ўтишга яқин — манба
Туркиялик инсайдер Ягыз Сабунджуоглу хабар беришича, Ўзбекистон терма жамоаси ва “Рома” ҳужумчиси фаолиятини Истанбулда давом эттириши мумкин.
Манбага айтилишича, “Истанбул Башакшехир" клуби Шомуродов бўйича “Рома”га таклиф юборган. Томонлар тез орада ўзаро келишувга эришиши мумкин.
“Рома”га Жан Пьеро Гасперини бош мураббий сифатида келганидан сўнг Элдорнинг ҳам жамоадаги келажаги ноаниқ бўлиб қолган.
Бундан эса Туркия клублари унумли фойдаланмоқчи. “Истанбул Башакшехир” асосий номзод сифатида қаралмоқда ва ушбу келишувни якунламоқчи.
Эслатиб ўтамиз, Шомуродов ўтган мавсум “Рома” сафида 37 та учрашувда майдонга тушиб, 7 та гол ва 5 та голли узатмага муаллифлик қилган. Transfermarkt портали футболчининг қийматини 5 миллион еврога баҳоламоқда.
