Элдор Шомуродов — “Рома”даги юксалишнинг асосий қаҳрамонларидан бири
Кеча тун “Рома” Европа Лигасида иштирок этиш ҳуқуқини қўлга киритди. Жамоа охирги тургача Чемпионлар Лигаси йўлланмаси учун кураш олиб борди — бу эса мавсум бошидаги муваффақиятсиз натижалардан кейин кутилмаган натижа эди.
Бу юксалишда Элдор Шомуродов муҳим ўрин тутиб, жамоа ҳужумидаги етакчи фигурага айланди. У интизом, иштиёқ ва жонкуярлик кўрсатиб, мураббийлар, жамоадошлар ва мухлислар ишончини қозонди.
Шомуродовнинг меҳнати эътироф этилди — у 2025 йилнинг февраль ва апрель ойларида фанатлар овоз беруви асосида “Рома”нинг ой футболчиси деб тан олинди. Апрель ойида “Ювентус” ва “Верона”га қарши ўйинларда гол урди, “Интер”га қарши баҳсда эса голли пас берди.
Элдор мавсум аввалидаги ротация футболчисидан жамоанинг асосий етакчиларидан бирига айланди. У барқарор ўйин ва натижага таъсир кўрсатиш қобилиятини намоён этди.
