Элдор Мойлиев: «Машъал» бизнинг хатолардан унумли фойдаланиб ғалаба қозонди»
Элдор Мойлиев: «Футболда ютган жамоага юқори баҳо қўйилади»
Суперлига 21-туридан ўрин олган «Машъал» – «Шўртан» (2:1) учрашувидан сўнг «Шўртан» бош мураббийи Элдор Мойлиев матбуот анжуманида иштирок этди.
- Ўйин ҳақида фикрингиз?
- Учрашув бошида вазиятлар яратиб афсуски, бундан фойдалана олмадик. Йўл қўйган икки хатомиз туфайли қарши ҳужумларда гол ўтказиб юбордик. Кейин яна ҳаракат қилдик, барибир фойдаси бўлди.
- Ўйин темпи паст эмасди. Шундай ўйинда VAR ишламаганига эътирозингиз борми?
- Билишимча, бу ўйинда VAR бўлиши керак эди. Аммо ишламаганидан хабарим йўқ.
- Қўшиб берилган дақиқаларда жамоангиз яхши ҳаракат қилди. Лекин нега баҳс бошидан «Шўртан» шундай ўйин кўрсатмаяпти?
- Ўтказиб юбрилган голлар йигитларга қаттиқ таьсир қиляпти. Шу боис ҳаракатимизда секинлик пайдо бўлиб қолди. Бугун ҳам учрашувни яхши бошладик, вазиятлар яратдик, аммо гол ўтказиб юборгач рухан тушкунликка тушиб қолдик.
- Бугун қайси жамоага юқори баҳо қўйган бўлардингиз?
- Бугун «Машъал» бизнинг хатолардан унумли фойдаланиб ғалаба қозонди. Шундай экан, футболда ютган жамоага юқори баҳо қўйилади, назаримда.
