Эккерт – «Саутгемптон» бош мураббийи

"Саутгемптон" клуби расмий сайти жамоа бош мураббийи лавозимига Тонда Эккерт тайинланганини эълон қилди. Шартнома 2027 йилгача имзоланган.

32 ёшли германиялик мутахассис 3 ноябрдан буён жамоа бош мураббийи вазифасини бажарувчи сифатида ишлаб келаётган эди. Унинг қўл остида "Саутгемптон" 5 та ўйин ўтказди: 4 ғалаба ва 1 мағлубият қайд этди.

“Бундан жуда фахрланаман. Ушбу футбол клуби вакили бўлиш мен учун катта шараф. Ўйлайманки, биз ажойиб стартга эга бўлдик ва энди шу руҳда давом этишимиз керак," - дея қайд этди Эккерт.

Маълумот учун, Эккерт аввалроқ "Саутгемптон" ёшлар жамоасида (2025 йил июль ойидан) ишлаган, шунингдек, "Женоа", "Барнсли" ва "Бавария", "Лейпциг" ва "Кёльн" ёшлар жамоаларида ёрдамчи бўлган.

Розикжон Султонмуродов

Журналист

0 0 0 0 0 0