Экитике фаолиятини «Реал»да давом эттириши мумкин
«Ливерпуль» ҳужумчиси Уго Экитике Англия клубидаги муваффақиятли дебютидан сўнг Мадриднинг «Реал» клуби эътиборига тушди. Испания гранди футболчининг ривожланишини диққат билан кузатиб бормоқда ва уни сотиб олиш имкониятларини баҳоламоқда. Бу ҳақда TEAMtalk нашри хабар бермоқда.
Экитике 2025 йилнинг июль ойида Германиянинг «Айнтрахт» клубидан «Ливерпуль» сафига келиб қўшилган эди. Томонлар ўртасидаги келишув олти йилга мўлжалланган бўлиб, 2031 йилнинг июнига қадар амал қилади.
Фаолияти давомида «Реймс» ва «ПСЖ» каби клубларда ҳам тўп сурган Экитике, жорий мавсумда мерсисайдликлар сафида барча турнирлар доирасида 42 та ўйинда майдонга тушди. У ушбу баҳсларда 17 та гол урди ва 6 та голли узатмани амалга оширди.
Transfermarkt портали маълумотларига кўра, айни дамда Экитикенинг бозор қиймати 90 миллион еврони ташкил этмоқда.
