Эдин Жеко Бундеслига-2да гол урган энг кекса футболчига айланди
Ушбу рекорд 1979 йилдан бери сақланиб келиняпти.
ФОТО: Getty Images
Якшанба, 25 январь куни «Шалке» иккинчи Бундеслигада «Кайзерслаутерн» билан 2:2 ҳисобида дуранг ўйнади.
«Шалке» сафида гол муаллифи Эдин Жеко бўлди. Бу футболчи учун клубдаги дебют баҳси эди.
Учрашув вақтида Жеко 39 йил, 10 ой ва 8 кунлик эди. Шу тариқа у иккинчи Бундеслигада гол урган энг кекса футболчи сифатида тарихга кирди.
Олдинги рекорд эгаси Хелмут Халлер бўлиб, у деярли уч ой ёшроқ эди. Ушбу рекорд 1979 йил февраль ойидан бери сақланиб келаётган эди.
Жеко «Шалке»га эркин агент сифатида келган ва жорий мавсум охиригача Гельзенкирхен жамоасида тўп суриши кутилмоқда. Эҳтимол, бошниялик футболчи рекордни яна бир неча бор янгилаши мумкин.
Насрулло Каримов
Журналист