Эдерсон «Аталанта»ни тарк этиши мумкин
Transfermarkt портали 26 ёшли футболчининг трансфер қийматини 45 млн еврога баҳоламоқда.
ФОТО: Getty images
"Аталанта" ярим ҳимоячиси Эдерсон келаси йили клубни тарк этишга тайёр. Бу ҳақда Diario Sport нашри хабар берди.
Манбага кўра, “МЮ”, “Атлетико” жамоалари қизиқиш билдирмоқда. Агар у А Серида қоладиган бўлса, “Ювентус” ва “Интер” ҳам даъвогарларлик қилмоқда.
Бразилиялик футболчининг амалдаги шартномаси 2026/27-йилги мавсум якунланганидан кейин тугайди, шунинг учун бергамоликлар у учун 30 млн евро сўрашади.
Жорий мавсумда Эдерсон "Аталанта"нинг 12 ўйинида майдонга тушиб, битта гол ва ассистни ўз ҳисобига ёздириб қўйди. Transfermarkt портали 26 ёшли футболчининг трансфер қийматини 45 млн еврога баҳоламоқда.
Розикжон Султонмуродов
Журналист