Эдегор реабилитация жараёни ҳақида гапирди: «Ҳар куни мақсадимга яқинлашётгандекман»
Лондонинг «Арсенал» клуби ва Норвегия миллий жамоаси яримҳимоячиси, 26 ёшли Мартин Эдегор жароҳатдан тиканиш жараёни ҳақида ўз фикрини билдирди.
«Бу ҳафта реабилитациям устида жуда кўп ишладим — жараён жуда яхши кетмоқда. Ҳар куни финал босқичига яқинлашётганимни ҳис қилаяпман, у ерда жараён анча қизиқарли бўлади. Майдонда бироз ишладим, машғулот ҳам қилдим, шунинг учун ўзимни мақсад сари дадил бораяпгандек ҳис қилаяпман.
Реабилитациянинг энг яхши қисми ҳам шу — жамоага қайтиш яқинлашганда, майдонда кўпроқ ишлай оласиз ва тиканиш жараёнида янада агрессив бўлиш имконияти пайдо бўлади. Ўзимни тобора кучлироқ сезмоқдаман. Қайтишимни интиқлик билан кутяпман, тўғри йўлдамиз, ҳаммаси яхши кўринмоқда», — дея Эдегорнинг сўзларини келтиради «Арсенал» расмий сайти.
Эслатиб ўтамиз, Эдегор АПЛнинг 7-турида «Вест Хэм»га қарши ўйинда (2:0) чап тиззасининг медиал коллатерал боғламидан жароҳат олган эди.
