Edegor reabilitatsiya jarayoni haqida gapirdi: «Har kuni maqsadimga yaqinlashayotgandekman»
Londonning «Arsenal» klubi va Norvegiya milliy jamoasi yarimhimoyachisi, 26 yoshli Martin Edegor jarohatdan tiklanish jarayoni haqida o‘z fikrini bildirdi.
«Bu hafta reabilitatsiyam ustida juda ko‘p ishladim — jarayon juda yaxshi ketmoqda. Har kuni final bosqichiga yaqinlashayotganimni his qilyapman, u yerda jarayon ancha qiziqarli bo‘ladi. Maydonda biroz ishladim, mashg‘ulot ham qildim, shuning uchun o‘zimni maqsad sari dadil borayotgandek his qilyapman.
Reabilitatsiyaning eng yaxshi qismi ham shu — jamoaga qaytish yaqinlashganida, maydonda ko‘proq ishlay olasiz va tiklanish jarayonida yanada agressiv bo‘lish imkoniyati paydo bo‘ladi. O‘zimni tobora kuchliroq sezmoqdaman. Qaytishimni intiqlik bilan kutyapman, to‘g‘ri yo‘ldamiz, hammasi yaxshi ko‘rinmoqda», — deya Edegorning so‘zlarini keltiradi «Arsenal» rasmiy sayti.
Eslatib oʻtamiz, Edegor APLning 7-turida «Vest Hem»ga qarshi o‘yinda (2:0) chap tizzasining medial kollateral bog‘lamidan jarohat olgan edi.
