EЧЛ. «ПСЖ» икки ўйин натижасига кўра «Челси»ни 8:2 ҳисобида мағлуб этиб, чорак финалга чиқди
UEFA Чемпионлар Лигасининг 1/8 финал босқичи доирасида Лондоннинг «Челси» ҳамда Франциянинг «ПСЖ» жамоалари ўртасидаги жавоб учрашуви якунланди. «Стэмфорд Бридж» стадионида бўлиб ўтган баҳсда меҳмонлар 3:0 ҳисобида йирик ғалабани қўлга киритишди.
Учрашув бошида меҳмонлар ҳужумчиси Хвича Кварацхелия ҳисобни очган бўлса, 15-дақиқада парижликлар вингери Бредли Барколя орасидаги фарқни оширди. 62-дақиқага келиб эса Сенни Майулу учинчи голни уриб, ҳисобни йирик кўринишга келтирди.
Шу тариқа, Луис Энрике шогирдлари икки ўйин натижасига кўра 8:2 ҳисобида ғалаба қозониб, чорак финал йўлланмасини қўлга киритишди. Парижликлар плей-офф босқичида «Монако»ни умумий 5:4 ҳисобида мағлуб этишган эди. «Челси» эса мусобақанинг умумий босқичида 16 очко жамғариб, олтинчи ўринни эгаллаган эди.
