YChL. «PSJ» ikki oʻyin natijasiga koʻra «Chelsi»ni 8:2 hisobida magʻlub etib, chorak finalga chiqdi
UEFA Chempionlar Ligasining 1/8 final bosqichi doirasidagi Londonning «Chelsi» hamda Fransiyaning «PSJ» jamoalari o‘rtasidagi javob uchrashuvi yakuniga yetdi. «Stemford Bridj» stadionida bo‘lib o‘tgan bahsda mehmonlar 3:0 hisobida yirik g‘alabani qo‘lga kiritishdi.
Uchrashuv boshida mehmonlar hujumchisi Xvicha Kvaratsxeliya hisobni ochgan bo‘lsa, 15-daqiqada parijliklar vingeri Bredli Barkolya oradagi farqni oshirdi. 62-daqiqaga kelib esa Senni Mayulu uchinchi golni urib, hisobni yirik ko‘rinishga keltirdi.
Shu tariqa, Luis Enrike shogirdlari ikki o‘yin natijasiga ko‘ra 8:2 hisobida g‘alaba qozonib, chorak final yo‘llanmasini qo‘lga kiritishdi. Parijliklar pley-off bosqichida «Monako»ni umumiy 5:4 hisobida mag‘lub etishgan edi. «Chelsi» esa musobaqaning umumiy bosqichida 16 ochko jamg‘arib, oltinchi o‘rinni egallagan edi.
