EЧЛ. «Будё-Глимт» ўз майдонида «Интер»ни ишончли ҳисобда мағлуб этди
Европа Чемпионлар Лигасининг плей-офф босқичи дастлабки учрашувида Норвегиянинг «Будё-Глимт» жамоаси ўз майдонида «Интер»ни қабул қилди. Будёдаги «Аспмюра» стадионида ўтган баҳс мезбонларнинг 3:1 ҳисобдаги ишончли ғалабаси билан якунланди.
Ўйиннинг 21-дақиқасида Сондре Брунстад ҳисобни очиб, норвегияликларни олдинга олиб чиқди. 30-дақиқада эса «Интер» ҳужумчиси Франческо Эспозито жавоб тўпини киритишга муваффақ бўлди. Бироқ иккинчи бўлимда мезбонлар босимни оширишди: 61-дақиқада Йенс Петтер Хёуг жамоасининг иккинчи голини урди, ортидан уч дақиқа ўтиб Каспер Хёг ҳисобни 3:1 кўринишига келтирди.
Жамоалар ўртасидаги жавоб учрашуви 24 февраль куни Миландаги машҳур «Сан-Сиро» стадионида бўлиб ўтади.
Эслатиб ўтамиз, умумий босқич якунларига кўра, «Будё-Глимт» 9 очко билан 23-ўринни, «Интер» эса 15 очко билан 10-поғонани эгаллаган эди.
Чемпионлар Лигаси. Плей-офф
«Будё-Глимт» — «Интер» 3:1
Голлар: Брунстад (21), Хёуг (61), Хёг (64) — Эспозито (30).
