EЧЛ. «Бавария» ўз майдонида «Спортинг»ни ишончли ҳисобда мағлуб этди

UEFA Чемпионлар лигаси умумий босқичининг 6-туридан ўрин олган «Бавария» ва «Спортинг» ўртасидаги баҳс бўлиб ўтди ва унда мюнхенликлар 3:1 ҳисобида ғалаба қозонди.

Дастлаб Йозуа Киммих 54-дақиқада автогол муаллифига айланди ва меҳмонларни олдинга чиқарди. 65-дақиқада Серж Гнабри мувозанатни тиклади.

Орадан 4 дақиқа ўтиб Ленарт Карл ҳисобни 2:1 кўринишига олиб келди. 77-дақиқада эса Жонатан Та учрашувга мантиқий нуқта қўйди.

Шу тариқа, «Бавария» ушбу ғалабадан сўнг ўз очколари ҳисобини 15 тага етказиб олди ва жадвалда иккинчи ўринда бормоқда. «Спортинг» эса 10 очко билан 9-ўринни эгаллаб турибди.

ЙЧЛ. 6-тур

«Бавария» — «Спортинг» 3:1

Голлар: Гнабри (65), Карл (69), Та (77) — Киммих (автогол, 54).

Насрулло Каримов

Журналист