Дзюдочиларимиз Душанбе \"Катта дубулға\" турнирини кумуш ва бронза медаллари билан бошлашди
ФОТО: Olympic.uz
Бугун Тожикистон пойтахтида дзюдо бўйича "Катта дубулға" турнири старт олди.
Енгил вазн тоифаларида кечган дастлабки кун беллашувларида Ўзбекистон терма жамоаси 1 тадан кумуш ва бронза медалларига сазовор бўлди.
Кумуш медални -52 кг вазн тоифасида беллашган Мухайё Ахтамова қўлга киритди. Ҳамюртимиз финалда жамоавий йўналишда икки карра Олимпиада чемпиони, франциялик Амандин Бушарга имкониятни бой берди.
Бронза медални эса -66 кг вазн тоифасида курашган Артём Штурбабин жамоамиз ҳисобига келтирди.
Кумуш медал:
-52 кг: Мухайё Ахтамова
Бронза медал:
-66 кг: Артём Штурбабин
Эртага ўрта вазн тоифаларидаги беллашувлар ташкил этилади.
Насрулло Каримов
Журналист