Дьёкереш ёзда Саудия клубининг улкан таклифини рад этган
Футболчи ҳозирда “тўпчилар”да йилига 8 миллион евро соф даромад олади.
ФОТО: Getty images
“Арсенал” форварди Виктор Дьёкерш ёзги трансфер вақтида Саудия Арабистони клубидан келган таклифни рад этган. Бу ҳақда футбол агенти Жонатан Чалкиас маълум қилди.
Манбага кўра, Яқин Шарқнинг номи ошкор қилинмаган клуби швециялик форвард учун йилига 36 миллион еврога тенг маош таклиф қилган. Бу эса унинг "Арсенал"даги ҳозирги маошидан тахминан беш баравар кўп.
Футболчи ҳозирда “тўпчилар”да йилига 8 миллион евро соф даромад олади.
Чалкиаснинг айтишича, "Спортинг" швециялик ҳужумчини "Манчестер Юнайтед"га ўтишига рози бўлган, кейинчалик келишув амалга ошмай қолган.
Розикжон Султонмуродов
Журналист
