Дёкереш: «Поттер терма жамоага жуда кўп ижобий энергия олиб келди»

Швеция терма жамоаси ҳужумчиси Виктор Дёкереш бош мураббий Грем Поттер қўл остидаги иш жараёни ва жамоада рўй берган ўзгаришлар ҳақида ўз фикрлари билан ўртоқлашди.

Эслатиб ўтамиз, инглиз мутахассиси Швеция термасини 2025 йилда қабул қилиб олган эди.

“Ўйлайманки, у жамоага жуда кўп ижобий энергия олиб келди. Майдонда ҳам, ундан ташқарида ҳам жамоавий бирдамлик ва ўзаро боғлиқлик қанчалик муҳимлигини сўз билан таърифлаб бўлмайди.

У биздан ишлаб чиқилган режага қатъий амал қилишимизни, футбол ўйнашдан завқ олишимизни ҳамда Швеция шарафини ҳимоя қилиш биз — футболчилар ва бутун мамлакат учун қанчалик аҳамиятли эканини тушунишимизни талаб қилади”, — дея Дёкерешнинг сўзларини келтиради ФИФА расмий сайти.

Розикжон Султонмуродов

Журналист

0 0 0 0 0 0