Dökeresh: «Potter terma jamoaga juda ko‘p ijobiy energiya olib keldi»
Shvetsiya terma jamoasi hujumchisi Viktor Dökeresh bosh murabbiy Grem Potter qo‘l ostidagi ish jarayoni va jamoada ro‘y bergan o‘zgarishlar haqida o‘z fikrlari bilan o‘rtoqlashdi.
Eslatib o‘tamiz, ingliz mutaxassisi Shvetsiya termasini 2025 yilda qabul qilib olgan edi.
“O‘ylaymanki, u jamoaga juda ko‘p ijobiy energiya olib keldi. Maydonda ham, undan tashqarida ham jamoaviy birdamlik va o‘zaro bog‘liqlik qanchalik muhimligini so‘z bilan ta’riflab bo‘lmaydi.
U bizdan ishlab chiqilgan rejaga qat’iy amal qilishimizni, futbol o‘ynashdan zavq olishimizni hamda Shvetsiya sharafini himoya qilish biz — futbolchilar va butun mamlakat uchun qanchalik ahamiyatli ekanini tushunishimizni talab qiladi”, — deya Dökereshning so‘zlarini keltiradi FIFA rasmiy sayti.
