Дунёнинг энг яхши дарвозабонлари рейтинги эълон қилинди
Доннарумма етакчи, Куртуа 2-ўринда.
Фото: Getty Images
Италиянинг La Gazzetta dello Sport нашри журналистлари жаҳон футболидаги энг яхши дарвозабонлар рейтингини тузишди.
Рейтингнинг биринчи поғонасидан ҳозирда «Манчестер Сити» шарафини ҳимоя қилаётган италиялик дарвозабон Жанлуижи Доннарумма жой олди.
Иккинчи ўрин Мадриднинг «Реал» клуби посбони Тибо Куртуага насиб этган бўлса, кучли учликни Испания терма жамоаси ва «Атлетик» (Бильбао) дарвозабони Унай Симон якунлади.
Рейтингдаги кучли ўнлик қуйидагича:
- Жанлуижи Доннарумма («Манчестер Сити»)
- Тибо Куртуа («Реал»)
- Унай Симон («Атлетик»)
- Давид Райя («Арсенал»)
- Майк Меньян («Милан»)
- Миле Свилар («Рома»)
- Жоан Гарсия («Барселона»)
- Ян Облак («Атлетико»)
- Грегор Кобель («Боруссия» Дортмунд)
- Мануэль Нойер («Бавария»)
