Дунёнинг энг кучли футбол клублари рейтинги эълон қилинди: «Барселона» «Реал»дан юқори жой олди
Opta Power таҳлилий тизимига кўра, дунёдаги энг кучли футбол клуби сифатида Парижнинг «ПСЖ» жамоаси эътироф этилди. Франция чемпиони 100 балл билан рейтингда етакчилик қилмоқда.
Мавсум давомида биринчи ўринда бораётган «Ливерпул» сўнгги натижалардан сўнг иккинчи ўринга тушди — жамоа 99,27 балл тўплади. «Арсенал» эса 98,79 балл билан кучли учликни якунламоқда.
Қолган топ-5 жамоалар орасида «Манчестер Сити» (97,98) ва «Барселона» (96,89) жой олган. Мадриднинг «Реал» клуби 95,41 балл билан олтинчи ўринни эгаллади.
Яна тўрт жамоа кучли ўнликка кирди:
• «Бавария» — 95,16
• «Челси» — 94,89
• «Астон Вилла» — 94,79
• «Нюкасл» — 94,73
Opta Power Rankings — бу дунё миқёсидаги махсус рейтинг тизими бўлиб, у 10 мингдан ортиқ эркаклар ва 2 мингдан зиёд аёллар жамоаларини 0 дан 100 гача бўлган шкала асосида баҳолайди. 0 — энг паст, 100 эса энг юқори кўрсаткични англатади.
