Дунёдаги энг қиммат футболчилар рейтинги эълон қилинди

Футболчиларнинг трансфер қийматини баҳолашга ихтисослашган Transfermarkt портали 2026 йил 9 октябрь ҳолатига кўра, дунёнинг энг қиммат футболчилари рейтингини эълон қилди.

Рейтингда «Манчестер Сити» ҳужумчиси Эрлинг Холанн ва «Барселона» вингери Ламин Ямаль пешқадамлик қилмоқда. Ҳар икки футболчининг бозор қиймати 220 миллион евро этиб баҳоланган. Учинчи ўринни эса 200 миллион евро билан Мадриднинг «Реал» клуби ҳужумчиси Килиан Мбаппе эгаллади.

Transfermarkt талқинига кўра, дунёнинг энг қиммат 10 футболчиси:

1. Эрлинг Холанн («Манчестер Сити») — 220 миллион евро.
2. Ламин Ямаль («Барселона») — 220 миллион евро.
3. Килиан Мбаппе («Реал Мадрид») — 200 миллион евро.
4. Майкл Олисе («Бавария») — 180 миллион евро.
5. Жуд Беллингем («Реал Мадрид») — 160 миллион евро.
6. Педри («Барселона») — 150 миллион евро.
7. Жоау Невеш («ПСЖ») — 140 миллион евро.
8. Хвича Кварацхелия («ПСЖ») — 140 миллион евро.
9. Витинья («ПСЖ») — 140 миллион евро.
10. Винисиус Жуниор («Реал Мадрид») — 130 миллион евро.

Шу тариқа, рейтингнинг кучли учлигидан Англия, Испания ва Франция чемпионатларида тўп тепаётган футболчилар жой олди. «ПСЖ» эса рўйхатда уч нафар футболчиси билан қайд этилган.

Розикжон Султонмуродов

Журналист

2 1 1 1 1 1