Дро Фернандес: «Бу мен ва оилам учун жуда муҳим қадам»
«Барселона» академияси тарбияланувчиси Дро Фернандес Франциянинг «Пари Сен-Жермен» клубига кўчиб ўтганидан кейинги таассуротлари билан ўртоқлашди.
«ПСЖ»га ўтганимдан жуда хурсандман ва фахрланаман. Бу мен ва оилам учун жуда муҳим қадам. Бу клуб менга болалигимдан таниш, бу ерда кўплаб афсонавий футболчилар тўп сурган. Энди эса мен ушбу футболкада бор кучимни беришга тайёрман», — дея Фернандеснинг сўзларини келтиради Париж клуби матбуот хизмати.
18 ёшли испаниялик футболчи «ПСЖ» билан 2030 йилга қадар мўлжалланган шартнома имзолади. У парижликлар сафида 27-рақам остида ҳаракат қилади.
Фернандес «Барселона» академиясининг барча босқичларидан ўтган ва 2025 йилда асосий жамоагача етиб келган. Жорий мавсумда у каталонияликлар сафида беш учрашувда майдонга тушиб, битта голли узатма муаллифи бўлди.
