Дрис Мертенс 38 ёшида фаолиятини якунлади
Фото: Getty Images
Бельгиялик ҳужумчи Дрис Мертенс фаолиятини якунлаганини эълон қилди.
38 ёшли футболчи сўнгги уч мавсумни “Галатасарой”да ўтказиб, барчасида Туркия чемпионлигини қўлга киритди.
Мертенс фаолияти давомида “Утрехт”, ПСВ ва “Напол”»да ҳам ўйнаган. У Италия клубида 9 мавсум ҳаракат қилиб, икки бор Италия кубоги ва бир марта суперкубокни ютган.
Мертенс 148 та гол билан “Наполи” тарихидаги энг яхши тўпурар ҳисобланади. Шундан сўнг у Туркияга йўл олганди.
Маълумот ўрнида, у Бельгия терма жамоаси сафида 109 ўйинда 21 гол урган.
Розикжон Султонмуродов
Журналист