Доннаруммага Европанинг учта гранд клуби қизиқмоқда
Фото: Getty Images
Италия терма жамоаси посбони Жанлуижи Доннарумма “Пари Сен-Жермен” клубини тарк этишга яқин турибди. Бу ҳақда Football Italia нашри хабар берди.
Манбага кўра, парижликлар Доннаруммага жамоани тарк этиш кераклигини очиқ-ойдин билдирган. Шу боис, яқин бир ҳафта ичида унинг келажаги бўйича аниқ қарор қабул қилиниши кутилмоқда. Айни дамда дарвозабон учун курашда “Манчестер Сити”, “Челси” ва “Бавария” клублари иштирок этмоқда.
“Манчестер Сити” яқин кунларда трансфер борасида фаол ҳаракат бошлайди. “Бавария” ҳам дарвозабонга қизиқаётганини билдирган, аммо ҳозирча музокаралар бошланмаган. “Челси” эса вазиятни диққат билан кузатмоқда, бироқ ҳали ҳеч қандай расмий таклиф билан чиқмаган.
Розикжон Султонмуродов
Журналист