Диогу Жота автоҳалокатда ҳалок бўлди

Португалия терма жамоаси ва Англиянинг “Ливерпул” клуби ҳужумчиси Диогу Жота автоҳалокат оқибатида вафот этди. Бу ҳақда испаниялик Marca нашри хабар берди.

Маълумотларга кўра, 28 ёшли футболчи Испанияда аварияга учраган ва тирик қолмаган. У рулда ўзи бўлгани қайд этилмоқда.

Жота ўтган мавсумда “Ливерпул” сафида Англия чемпионлигини қўлга киритган эди. Бу унинг клуб билан иккинчи чемпионлиги эди.

ОАВнинг ёзишича, у бор-йўғи беш кун олдин уйланган эди. Футбол жамоатчилиги бу мудҳиш янгиликдан жуда қаттиқ таъсирланди.

Бакрадзе Иман

Редактор